Ճաքեր բերանի անկյուններում. armeniamedicalcenter.am

Անգուլյար ստոմատիտը կամ անգուլիտը, կամ անգուլյար խեյլիտը բերանի անկյունների մաշկի կամ բերանի խոռոչի լորձաթաղանթի ախտաբանական վիճակ է, որն ուղեկցվում է ճաքերի առաջացմամբ՝ ստրեպտոկոկերի կամ դրոժանման սնկերի ազդեցությամբ:

Պատճառները.

• ստրեպտոկոկային ախտահարում, կամ կանդիդա տեսակի դրոժանման սնկերով ախտահարում՝ B2 վիտամինի անբավարարության, շաքարային դիաբետի, կծվացքի խանգարում ունեցողների մոտ թքով բերանի անկյունների մաշկի կամ բերանի խոռոչի լորձաթաղանթի մշտական մացերացիայի ֆոնի վրա,
• ցիտոստատիկներով, անտիբիոտիկներով և կորտիկոստերոիդներով երկարատև բուժման ֆոնի վրա կանդիդամիոտիկ ախտահարում:

Դասակարգումը
 

• Ստրեպտոկոկային անգուլիտ: Առավել հաճախ ձևավորվում է երեխաների մոտ: Սկզբում բնորոշ է բերանի անկյուններում բշտի կամ ֆլիկիսլոտենի առաջացումը՝ բարակ, թույլ թաղանթով, հետագայում բշտի տեղում առաջանում է ճեղքանման էրոզիա՝ պատված թարախա-արյունային կեղևով: Կեղևը հեռացնելիս բացվում է կարմիր, հեշտ արյունահոսող մակերես, կենտրոնում` ճաքով: Դրանից 1-2 ժամ անց նորից այդ տեղում կեղև է ձևավորվում: Ճաքերի առկայության ժամանակ բերանը բացելիս առաջանում է ցավ:
• Կանդիդամիկոտիկ անգուլիտ: Այս դեպքում բերանի անկյուններում լինում է կարմիր էրոզիա՝ շրջապատված մացերացված էպիթելի ժապավենով: Էրոզիայի մակերեսին կարող է լինել հեշտությամբ հեռացվող գորշավուն սպիտակ փառ: Ի տարբերություն ստրեպտոկոկային անգուլիտի, այս դեպքում էրոզիաների մակերսին կեղևները բացակայում են: Սնկային բնույթի անգուլիտներն ունեն ռեցիդիվող քրոնիկ ընթացք:

Ախտանշանները.

•  ճաքեր բերանի անկյուններում,
•  ճաքեր բերանի լորձաթաղանթին,
•  մաշկի թեփոտում,
•  քթի թևերին սեբորեային կեղևներ,
•  սեբորեային կեղևների առաջացում նաև դեմքի այլ հատվածներում,
•  լեզվի այրոց և հիպերէմիա,
•  ընդհանուր թուլություն,
•  ախորժակի անկում,
•  շուտ հոգնածություն,
•  կարմրություն, էրոզիաներ, ծանր դեպքերում՝ կեղևներ և արյունահոսող խոցեր բերանի խոռոչում:

Ո՞ր հիվանդությունների դեպքում է ի հատ գալիս.
 

•  կծվացքի խանգարում,
•  շաքարային դիաբետ,
•  մաշկի և բերանի խոռոչի լորձաթաղանթի մշտական մացերացիա,
•  վիտամին B2-ի անբավարարություն,
•  ցիտոստատիկներով, անտիբիոտիկներով և կորտիկոստերոիդներով երկարատև բուժում:

Ո՞ր մասնագետին դիմել.

•  մաշկավեներոլոգ,
•  ստոմատոլոգ,
•  էնդոկրինոլոգ,
•  թերապևտ:

Հարցեր, պատասխաններ, մեկնաբանություններ